Речиси на шест деца од секоја училница во Велика Британија им е потребна поддршка поради нарушено ментално здравје и се соочуваат со проблеми во моментот кога се обидуваат да ја добијат потребната помош, предупредија британските експерти.
„Совршена бура“ – пандемијата со коронавирус, продлабочувањето на нееднаквоста во општеството и „децениската неактивност“ резултираа со ситуација во која побарувачката го надминува капацитетот на услугите, објави Британското здружение за ментално здравје на деца и млади луѓе.
Се предупредува дека децата и младите се соочуваат со „огромни предизвици“ кога се обидуваат да ја дојдат до потребната поддршка, бидејќи се поставени многу високи прагови за едно младо лице или дете воопшто да биде упатено на дополнителна стручна помош. Неретко им се одбиваат стручни препораки за помош, а листите на чекање се долги.
Здружението кое се состои од 200 организации, меѓу кои и добротворни здравствени установи и организации, посочува дека без разлика која политичка партија е на власт, ќе мора да се справи со сериозен предизвик и интензивно да се посвети на подобрување на менталното здравје на младите.
Секое петто дете или млад човек на возраст од 8 до 25 години се соочува со проблем на менталното здравје
Според податоците на Здружението, во 2023 година секое петто дете или млад човек на возраст од осум до 25 години се соочило со проблеми поврзани со менталното здравје.
„Тоа значи дека се работи за шест деца во одделението од нив 30“, напишаа авторите, истакнувајќи дека „децениската неактивност резултирала со систем на ментално здравје на децата во кој побарувачката денес ги надминува капацитетите“.
„Поставувањето висок праг за воопшто да се добие поддршка, одбивањето на стручни препораки и долгото време на чекање се главните кочници во системот. Ова резултира децата и младите да се соочуваат со големи проблеми при пристапот до поддршката што им е потребна“, додаваат тие.
