Прекумерната употреба на антибиотици им помогнала на микробите да станат отпорни на многу лекови, а нови антибиотици се развиваат во лаборатории алармантно малку.
Високи нивоа (над 50 проценти) на отпорност беа забележани кај бактериите кои најчесто предизвикуваат опасни по живот инфекции стекнати во болница, како што се Klebsiella pneumoniae и Acinetobacter spp, истакнаа авторите на извештајот во петокот.
Овие инфекции често бараат третман со антибиотици од „последна одбранбена линија“, лекови кои се користат кога сите други антибиотици не успеале.
Околу 8 отсто од инфекциите на крвотокот предизвикани од Klebsiella pneumoniae станале отпорни на клучната група на лекови од последен избор наречени карбапенеми, се вели во извештајот.
Стапките на антимикробна резистенција (АМР) и понатаму се многу високи, а антибиотиците од групата на последната линија на одбрана почнуваат да ја губат својата моќ, рече д-р Кармем Песоа-Силва, шефица на Глобалниот систем за следење на антимикробната резистенција на Светската здравствена организација, на прес-конференција.
„Имаме многу мали можности да одговориме на заканата“, рече таа.
Иако постојат заеднички напори да се ограничи неконтролираното користење на антибиотици, темпото на новите истражувања останува лошо. Трудот, трошоците и времето потребни за создавање антибиотик и добивање одобрение за негова продажба, како и ограничен поврат на инвестицијата ги одвратија производителите на лекови од истражувања, бидејќи таквите лекови мора да бидат евтини и да се користат што е можно помалку за да се ограничи развојот на отпорност кон нив.
Глобална анализа објавена претходно оваа година покажала дека 1,2 милиони луѓе починале во 2019 година од бактериски инфекции отпорни на антибиотици, што ја прави АМР водечка причина за смрт во светот во таа група, повеќе од ХИВ/СИДА или маларија
Како резултат на тоа, лавовскиот дел од развојот на антибиотици се одвива во неколкуте лаборатории на малите биофармацевтски компании, додека повеќето од нивните поголеми партнери се фокусираат на она што е попрофитабилно.
Значајна глобална анализа објавена претходно оваа година покажала дека 1,2 милиони луѓе починале во 2019 година од бактериски инфекции отпорни на антибиотици, што ја прави АМР водечка причина за смрт во светот во таа група, повеќе од ХИВ/СИДА или маларија.
„Политиката (за AMR) мора итно да премине од стремеж кон акција“, рече Томас Куени, генерален директор на Меѓународната асоцијација на фармацевтски производители и здруженија.
Авторите на извештајот на СЗО велат дека се потребни дополнителни истражувања за да се утврдат причините за скокот на АМР во набљудуваниот период и колку тоа е поврзано со почестата употреба на антибиотици за време на пандемијата.
Стапките на AMR исто така е тешко да се анализираат поради недоволното тестирање и слаби лабораториски капацитети, особено во земјите со низок и среден приход, напишаа авторите.
