Германските истражувачи испитале повеќе од 1.000 деца на возраст од седум до 17 години и повеќе од 1.500 родители од средината на декември до средината на јануари
Новото истражување за деца во Германија сугерира дека стресот и сиромаштијата предизвикана од пандемијата на коронавирус оставаат последици врз нивното ментално здравје, особено кај децата од сиромашни семејства, велат истражувачите.
Студијата на Универзитетскиот медицински центар Хамбург-Епендорф покажа дека секое трето дете во Германија страда од анксиозност, депресија поврзана со пандемијата поврзана или покажува психосоматски симптоми како што се главоболки или абдоминална болка, пренесува АП.
Според студијата, децата и тинејџерите од посиромашните семејства и оние со мигрантски корени се несразмерно погодени.
„Децата кои биле добро пред пандемијата и се чувствувале заштитено и пријатно во своите семејства, ќе поминат добро низ оваа пандемија“, рече Улрике Равенс-Сајберер, директорка на детската психијатриска клиника во Универзитетската болница, но истакна дека се потребни подобри решенија за поддршка и зајакнување на менталното и емоционалното здравје на децата од ризични семејства.
Истражувачите испитувале повеќе од 1.000 деца на возраст од седум до 17 години и повеќе од 1.500 родители од средината на декември до средината на јануари.
