Да се донесе дете на свет е неверојатно искуство за секоја жена, но секое породување, како и секое закрепнување после породувањето е различно. Постпарталниот период, често познат како четврти триместар, може да донесе и одредена доза на непријатност. Треба да се очекува дека новопечената мајка ќе чувствува одредени болки, замор и емоционални промени. Нејзиното тело сепак поминало низ голема промена, а хормоните исто така се менуваат.
Според Клиниката Кливленд, понекогаш може да се јават некои симптоми кои укажуваат на тоа дека не се работи само за нормално закрепнување од породувањето, туку и за посериозен здравствен проблем кој бара лекарски преглед. Гинекологот Салена Заноти затоа открива кои симптоми по породувањето не треба да ги игнорираме. Се работи за:
- обилно крвавење,
- неподносливи болки во стомакот или грчеви кои не поминуваат,
- интензивна главоболка,
- запек кој трае повеќе од неколку дена,
- често мокрење или чувство на печење,
- болки во нозете,
- болки во градите или проблеми со дишењето,
- големо чувство на тага или беспомошност кое не поминува.
