Се верува дека синовите треба помалку да се галат и од нив да се очекува да бидат силни, да не плачат, да бидат борбени и јаки. Сепак, науката вели поинаку, токму спротивното.
Неодамнешна студија открила дека момчињата, во првите години од својот живот, треба да бидат третирани со повеќе нежност, отколку што им е потребна на девојчињата.
Познатиот невропсихијатар Ален Шор претставил ново истражување кое докажува дека десната хемисфера на мозокот побавно се развива кај момчињата отколку кај девојчињата. Што тоа значи?
Едноставно кажано, момчињата се помалку чувствителни на звуци и на лицата кои ги опкружуваат што може да ги направи позпребирливи и “потешки“. За нив е потешко да толерираат стрес и помалку се отпорни на невропсихијатриски пореметувања, како што е пореметување на вниманието, аутизам, кои се манифестираат во раното детство.
Затоа, момчињата кои имаат построги мајки, кои од мали се воспитувани поцврсто, без многу емоции, стануваат анксиозни, што влијае на формирање на невронските врски во мозокот, одговорни за самоконтрола и социјализација.
Лекот за тоа е нежна, цврста врска помеѓу мајката и синот, базирана на разбирање, исполнување на детските потреби за љубов и близина. Ова има огромно влијание на развојот на мозокот токму во првата година од животот.
