Американско истражување покажало дека повеќе од 8 проценти од децата заболени од рак имаат генски мутации кои го зголемуваат нивниот ризик од карцином. Се смета дека генетскиот скрининг може да биде важен за сите деца кои се лекуваат од карцином, а не само за децата со семејна историја на рак.
Исто така, генетскиот скрининг би го подобрил откривањето на ракот во почетна фаза на болеста кога успехот на лекувањето е подобар.
Во истражувањето учествувале 1.120 деца на кои им бил дијагностициран рак, а се покажало дека 8,5 отсто од децата имаат генетски мутации кои го зголемуваат ризикот од карцином. Интересно е што повеќе од половина од децата со овие мутации потекнуваат од семејства без историја на рак.
Инаку, претходно се сметало дека ваквите генетски мутации се ретки, и дека се јавуваат кај деца со силна семејна историја на карциноми.
Извор: New England Journal of Medicine
