Германските офталмолози очекуваат дека поради пандемијата ќе се зголеми бројот на кратковидни деца бидејќи наместо на отворено повеќе време минуваат дома пред екрани, мобилни телефони и таблети.
“Може да се очекува дека во пандемијата се зголемила кратковидноста помеѓу децата бидејќи премногу гледаат во екраните од мобилните телефони и таблети, на многу мала оддалеченост“, вели Лудгер Волринг, портпарол на Професионалното здружение на офталмолози на Германија.
“Се уште немаме податоци за тоа, но претходните истражувања сугерираат дека ќе се зголеми бројот на деца со миопија“, додава тој.
За да се спречи кратковидност кај децата, важен фактор е дневната светлина, велат офталмолозите и потенцираат дека дури и слабата дневна светлина е подобра од вештачката.
