Русија пријави неколку инфекции со новата варијанта на коронавирус за која се верува дека е позаразна од делта, објави денеска новинската агенција РИА.
Можно е варијантата AY.4.2 да се шири побрзо, рече научникот Камил Хафизов, како што пренесува РИА. Тоа може да предизвика ново уште побрзо ширење на инфекцијата, а Русија со денови се соочува со незапаметени рекорди.
- Новата варијанта „делта плус“ на крајот би можела да ја замени делта варијантата, иако процесот може да биде бавен, рече Хафизов
Претседателот Владимир Путин оваа недела го одобри владиниот предлог за неработна недела кое ќе започне на 1 ноември, бидејќи бројот на смртни случаи низ Русија во изминатите 24 часа во средата достигна нови рекорди, 1.028 смртни случаи и 34.073 нови инфекции.
Варијантата AY 4.2 е веќе откриена во Велика Британија и неколку други европски земји, а Израел во средата објави дека го идентификувал првиот случај на нејзина територија.
AY 4.2 сочинува околу шест проценти од секвенционирани примероци, објави Агенцијата за здравствена безбедност на Обединетото Кралство минатата недела, но не е под истрага и не е означена како варијанта на загриженост.
Франсоа Балоу, директор на Институтот за генетика на UCL во Лондон, рече дека новата варијанта е се уште ретка и се чини дека не е позаразна од другите, пренесува „Хина“.
