Повеќе од две недели, една жена во Тексас лежеше во болнички кревет борејќи се за нејзиниот живот, откако беше тестирана позитивно на коронавирусот.
Таа помина 10 дена на респиратор кој и помагаше да дише. Но, успеа да го победи вирусот и после 16 дена беше отпуштена од болницата во Остин.
За да го прослави нејзиното закрепнување, персоналот во „St. David’s South Medical Center“ се построи од страните и се радуваше за неа додека си заминуваше од болницата.
-
Сцените како оваа што се случуваат во болниците низ целата земја ја симболизираат надежта во ова мрачно време
Во болницата „Mount Sinai“ во Њујорк, песната „Here Comes the Sun“ од „Битлси“ свири на звучниците секој пат кога пациент со Ковид-19 ќе биде отпуштен, според официјален претставник на болницата.
„Little darling, the smile’s returning to their faces“, се дел од стиховите на песната. „Little darling, it seems like years since it’s been here.“
Њујорк е еден од најголемите епицентри на епидемијата на коронавирус во Америка со повеќе од 181.000 потврдени случаи и најмалку 8.650 смртни случаи.
Друга болница во овој град, во Hudson Valley, исто така користи музика за да донесе малку радост на медицинскиот персонал и пациентите кои се борат со пандемијата. Таму се пушта да свири „Don’t Stop Believin“ од рок бендот „Journey“ секогаш кога ќе се отпушти Ковид-19 пациент од болницата.
Во другите болници, исто како во Остин, болничкиот персонал се реди во ходниците и ги поздравува оздравените пациенти со ракоплескање.
Моменти како овие се споделуваат на социјалните мрежи и им даваат надеж на другите, како што растат случаите на Ковид-19, кои во САД достигнаа 530.000.
(Си-ен-ен)
