Анафилакса е по живот опасна алергиска реакција која се развива многу брзо како одговор на храна, лекови или убоди од инсекти. Повеќето луѓе ја поврзуваат со отечено грло, отежнато дишење, осип што чеша и несвестица, но најчестите симптоми се всушност многу посуптилни, особено кај децата.
Д-р Хелен Еванс-Хауелс, специјалист за алергии, објаснува дека е исклучително важно да се препознаат знаците на анафилакса.
„За некои од знаците не сум знаела ниту јас. Претпоставував дека ќе препознаам анафилакса по тоа што лицето ќе колабира, има низок крвен притисок и висок пулс. Тоа може да се случи, но тоа е веќе анафилактичен шок“, вели таа.
И анафилаксата и анафилактичниот шок се однесуваат на сериозна алергиска реакција, но втората се јавува кога крвниот притисок паѓа толку ниско што органите не добиваат доволно кислород.
Првите знаци на анафилакса обично се:
- Отекување на грлото и јазикот
- Отежнато дишење или многу брзо дишење
- Потешкотии при голтање или стегање во грлото
- Свирење во градите, кашлање или бучно дишење
- Чувство на замор или збунетост
- Чувство на слабост, вртоглавица или несвестица
- Кожа која е ладна на допир
- Сина, сива или бледа кожа, усни или јазик
- Осип што отекува, се подига или чеша.
Помалку познати симптоми на анафилакса се:
- Вртоглавица
- Вознемиреност или чувство дека нешто многу лошо се случува
- Делириум
- Вознемиреност
- Збунетост
- Засипнат глас
- Зголемен пулс
- Мачнина и/или повраќање
- Дијареа
- Болки во стомакот
- Губење на контролата на мочниот меур.
