Она што во еден дел го комплицира целиот процес на учење на децата “убаво“ да се однесуваат, се чувствата на родителите од кои не можат да се ослободат. Децата може да развојат разни емоции и сеќавања од нашето детство, чувства за кои и не сме свесни. И кога детето “лошо“ се однесува, доаѓа до интензивни и измешани чувства. Доаѓа до тоа да родителите се чувствуваат навредени, посрамени или исклучени. Проблемот е во тоа што кога сме изиритирани од сопствените емоции, не сме во состојба рационално и смирено да се носиме со детето
Детскиот психолог д-р Даниле Сигел вели дека дисциплинирањето на детето е поврзано со учење, а не со казнување. Ова се некои правила кои родителите треба да ги следат кога е во прашање дисциплината на децата.
Бидете смирени на почетокот
Кога сте нервозни, вашето однесување не само што не е ускладено, туку е и недоследно. И наместо да се стопира некое однесување и да бидет смирени, вие ќе експлодирате истата секунда. Кога им викате на децата тие најчесто не ја запомнуваат лекцијата, туку го паметат стравот од родителот кој “експлодирал“. Најдобра работа е да се смирите. Затоа, вдишете неколку пати, пронајдете начин да се опуштите и потоа посветете се на решавање на ситуацијата.
Размислете за последиците
Дисциплината не е ефикасна кога се работи за испуштање на сопствените фрустрации. Викањето по детето веројатно нема да го смири и нема одеднаш да стане рационално. Размислете што навистина сакате да постигнете во таа ситуација и која лекција сакате детето да ја научи од тоа искуство.
Поврзете се на емоционално ниво
Точка која д-р Сигел ја опишува е: кога детето проживува стрес, тажно е или има напад на бес – прво треба да се поврзете со него на емоционално ниво, за да му се доближите во тој момент. Тоа често подразбира физики контакт, како тоа да клекнете и да се спуштите на ниво на детето, да го гушнете или да го фатите за рака и да го погледнете во очи. Најдете начин со кој ќе му помогнете да се смири без расправии.
