На возраст до три години, децата се повеќе уживаат да си играат со други деца и се повеќе стануваат независни, но и понатаму им е потребна помош од родителите. Освен тоа, јазичните способности се повеќе се развиваат, па може и со зборови да ги искажат своите желби и потреби. Кај малите деца на оваа возраст се повеќе се развива фантазијата, како и меморијата, па уживаат во играчки кои им претставуваат предизвик. Играчките ги распоредуваат по големина, боја, облик, а уживаат и да цртаат, па вистинско време е да им обезбедите и прибор за цртање. Децата на оваа возраст сигурно одат, трчаат, скокаат, многу се активни и сакаат спортски игри и се повеќе уживаат да си играат со други деца.
Кои се идеални играчки за децата до три години?
- Прибор за сликање – Ќе им овозжите на децата да ја искажат својата креативност. Пронајдете место во домот каде ќе може слободно да цртаат.
- Играчки апарати за домаќинство – Децата сакаат реални играчки, па затоа омилени им се пластични пегли, правосмукалки, како и пластични чинивчиња, шолјички, садови или намирници како овошје, зеленчук и слично.
- Топка – Топката и понатаму е една од омилените играчки. Доколку немате двор, дома направете импровизиран кош и оставете го детето да вежба фрлање. Кога малку ќе порасне, ќе сака да си игра со своите врсници.
- Конструкторски играчки – Детето се повеќе ќе се интересира за конструкторски играчки кои ќе може да ги составува и склопува, како на пример коцки.
Разни сложувалки– На оваа возраст децата развиваат вештини со решавање на проблеми и координација со очите и рацете. Сложувалките на почетокот треба да бидат едноставни, со лесно препознатлива слика.- Велосипед – Детето на оваа возраст ќе ужива да врти со педали и да вози велосипед. Набевете и заштитна опрема, за детето на време да научии колку е важна.
- Книги – На оваа возраст се повеќе се развиваат јазичните способности и речникот на децата станува побогат, затоа е важно да бидат опкружени со книги кои се прилагодени на нивната возраст. Децата се повеќе разбираат посложени зборови и сакаат да слушаат приказни и бајки.
- Удирачки инструменти – Музиката ги инспирира децата на оваа возраст да играат, плескаат, да се вртат, сокакаат, викаат.. Исто така голем интерес покажуваат за удирачките инструменти како тапани.
