Децата од предучилишна возраст константно растат. Можеби не толку како кога биле мали, но доволно да нивниот метаболизам забрзано работи. Тоа значи дека ќе бидат многу гладни. Освен тоа, имаат мали желудници кои не остануваат полни долго и навистина треба да јадат на секои неколку часа.
Затоа, не грижете се премногу за вашата мала дупка без дно. Децата се раѓаат со вродено чувство колку треба да јадат и мора да ги почитувате тие вродени сигнали. Обидете се на детето да му понудите здрава храна кога и да е гладно, а притоа да внимавате да во текот на денот биде доволно физички активно.
Поттикнувајте здрави избори. Кога детето ќе побата меѓуоброк, не дозволувајте постојано да бара чипс. Иако чипсот, од време на време е прифатлив меѓуоброк, обидете се детето редвно да го насочувате кон хранливи оброци, како овошје, интегрални житарки, сирење. Дури и крекерите, пуканките и переците се подобар избор.
Храната нека биде достапна во секој момент. Кога детето ќе се врати од градинка, гладно е и тоа е нормално. Во градинка си игра, учи нови раноти, многу време поминува на свеж воздух. Троши многу енергија, а кога ќе се врати дома, мора да ја надомести изгубената енергија. Затоа, добро е секогаш на масата да имате свежо овошје.
Не го терајте детето да изеде се од чинијата. Можеби мислите дека ако го натерате детето да изеде се од чинијата, некое време нема да бара храна. Но, принудувањето на децата да јадат кога не сакаат, не е добро. Ако научат да го игнорираат својот внатрешен сигнал ‘сито сум’, тоа може да ги доведе до проблеми со исхраната, вклучувајќи прејадување и обезност.
Ако детето постојано повторува “гладен/на сум“ за да го одложи легнувањето во кревет (вообичаена таткита на одолговлечување), понудете му ужина еден до два часа пред спиење, а потоа јасно дадете до знаење дека кујната е затворена до следното утро. Освен тоа, ако ви се чини дека користи храна од психолошки причини, тоа веројатно е потреба за привлекување внимание. Обидете се да поминувате повеќе време со детето или потрудете се тоа да биде квалитетно време со семејна атмосфера.
Се додека детето нема прекумерна телесна тежина и му давате квалитетна храна, неговото постојано посегање по храна всушност и не е проблем. Тоа само значи дека почести треба да одите во продавница.
