Пубертетот е период кога децата физички и емоционално се развиваат во млади момчиња и девојки. Обично почнува да се случува во адолесценцијата: просечната возраст за девојчињата е 10 години, додека за момчињата е 11 години. Меѓутоа, кај некои деца се јавува таканаречен предвремен пубертет, пренесува „Kids Health“.
Тоа значи дека знаците на пубертет започнуваат пред седмата година кај девојчињата и пред деветтата кај момчињата. Кај некои деца симптомите може да бидат само непријатни, додека кај други предвремениот пубертет е знак за одреден здравствен проблем.
Кои се знаците на предвремен пубертет?
Кај девојчињата, знаците на предвремен пубертет вклучуваат развој на градите пред седум или осум години, почеток на менструацијата пред 10-годишна возраст и брз раст. Кај момчињата, знаци на предвремен пубертет се зголемување на тестисите или пенисот и брз раст во висина (нагло). Кај девојчињата и момчињата, некои од следните знаци може да укажуваат на ран пубертет:
- развој на срамни влакна,
- влакна под пазувите или на лицето,
- продлабочување на гласот,
- појава на мозолчиња или акни,
- зголемено потење.
Девојчињата може да бидат збунети и често се срамат поради тоа што ќе добијат менструација или зголемување на градите порано од нивните врсници. Дури и емоциите и однесувањето може да се променат кај децата со предвремен пубертет. Девојките можат да станат нерасположени и раздразливи, а момчињата поагресивни. Во малку поретки случаи, тие исто така може да развијат сексуален нагон несоодветен за нивната возраст
Како предвремениот пубертет влијае на децата?
Кога пубертетот завршува, растот на висината кај децата по правило престанува. Бидејќи нивните коски созреваат и растот на коските престанува порано од вообичаеното, децата со предвремен пубертет кои не се лекуваат обично не го достигнуваат својот целосен потенцијал за висина. Раното минување низ пубертетот исто така може да биде тешко за децата и во емотивна и во социјална смисла, велат педијатрите.
Девојчињата може да бидат збунети и често се срамат поради тоа што ќе добијат менструација или зголемување на градите порано од нивните врсници. Дури и емоциите и однесувањето може да се променат кај децата со предвремен пубертет. Девојките можат да станат нерасположени и раздразливи, а момчињата поагресивни. Во малку поретки случаи, тие исто така може да развијат сексуален нагон несоодветен за нивната возраст.
Што го предизвикува предвремениот пубертет?
Почетокот на пубертетот е активиран од хипоталамусот. Оваа област на мозокот и сигнализира на хипофизата (жлезда со големина на грашок во близина на базата на мозокот) да ослободи хормони кои ги стимулираат јајниците (кај девојчињата) или тестисите (кај момчињата) да создаваат полови хормони. Најчесто, особено кај девојчињата, се јавува предвремен пубертет бидејќи мозокот испраќа сигнали порано отколку што треба. Не постои друг основен медицински проблем или предизвикувач. Исто така, често може да се случи во семејства кои се склони кон предвремен пубертет.
Во исклучителни случаи, предвремениот пубертет е резултат на посериозен здравствен проблем како што е тумор или траума. Проблемите со тироидната жлезда или јајниците исто така може да ја предизвикаат оваа појава. Во овие случаи, обично има и други симптоми кои укажуваат на посериозен проблем. Педијатрите нагласуваат дека предвремениот пубертет е поредок кај момчињата и поверојатно е поврзан со некој друг медицински проблем. Кај пет проценти од момчињата оваа состојба е наследна.
Треба да се побара помош од лекар ако детето покажува какви било знаци на рано полово созревање (пред седум или осум години за девојчиња или девет години за момчиња), вклучувајќи раст и развој на градите, брз раст во висина, почеток на менструација, мозолчиња или акни, зголемени тестиси или пенис, срамни влакна или влакна под пазувите.
