Студија која спровел Институтот за глобално здравје во Барселона покажала дека времето поминато пред телевизор е главната причина за дебелината кај децата.
Научниците побарале родителите да пополнат прашалник за своите деца – колку се физички активни, колку спијат, што јадат и како го минуваат времето. Предвид биле земени бројни седечки активности, како читање, цртање, играње друштвени игри, но единствено гледањето телевизија влијаело на обезноста.
Освен што поради телевизијата, децата се хронично неактивни, гледањето во екран го пореметува сонот, а квалитетниот сон е многу важен за правилна работа на метаболизмот и општо за здравјето. Освен тоа, рекламите за слатки и газирани напитоци ги поттикнуваат децата, истите уште повеќе да ги консумираат.
За да го пресметаат влијанието на однесувањето врз здравјето, истражувачите ги мереле кај децата индексот на телесната маса, обемот на половината и крвниот притисок, и ги споредиле со вредностите од времето кога децата имале четири и седум години.
“Нездравите однесувања обично се преклопуваат или едно повлекува друго“ вели коавторот на студијата, Мартине Вријхеид.
Во истажувњето учествувале 1480 деца,а резултатите се објавени во научно списание Pediatric Obesity.
Најдобро што можете да направите за своето дете е да ја реорганизирате дневната соба така да телевизорот нема централно место во неа и да ги одвикнете децата од екраните. Поттикнете ги на активност и на игра на свеж воздух.
