Додека очекуваме вакцините против COVID-19 да пристигнат во нашата земја, Хрватскиот институт за јавно здравје објави препораки за вакцинација против COVID-19 по прележување на болеста.
Податоците од клиничките истражувања упатуваат на тоа дека mRNA вакцините против COVID-19 се безбедни за употреба кај лица со докажана претходна инфекција со вирусот SARS-CoV-2. Затоа, вакцинацијата треба да се препорача кај луѓе кои имале COVID-19, без разлика дали имале асимптоматска или симптоматска болест.
Вакцинацијата на лице кое моментално има инфекција со вирусот SARS-CoV-2 треба да се одложи се додека лицето не се опорави од акутната инфекција, т.е. додека симптомите на болеста не исчезнат, односно додека не се исполнат условите за прекин на изолацијата. Препораката е да се почека најмалку еден месец за имунолошкиот одговор на вакцината да биде подобар отколку ако вакцината се администрира порано.
Моментално достапните податоци говорат дека реинфекција ретко се јавува во рок од 90 дена од првата (иницијална) инфекција. Затоа, ако сакате, вакцинирање на лица со докажана акутна инфекција со SARS-CoV-2 во претходните 90 дена може да се одложи приближно до истекот на тој период, се вели во препораките на Хрватскиот институт за јавно здравје.
