Попладневното спиење е исклучително важно за развојот на децата, а количината на сон зависи од дете до дете. На возраст од три или четири години некои деца повеќе немаат потреба за дневен одмор.
“Повеќето деца престануваат да спијат преку ден на возраст од 3 до 5 години“, вели експертот Елизабет Пантли. Таа претставува и неколку совети како да си го олесните тој преоден период. Потребно е да се слушаат потребите на детето и во согласност со неговиот ритам да се организираат дневните активности.
ЗНАЦИ ДЕКА НА ДЕТЕТО ПОВЕЌЕ НЕ МУ Е ПОТРЕБЕН ДНЕВЕН СОН
- Борба околу спиењето
“Кога вашето дете нема потреба за дневно спиење, му станува тешко да заспие во вообичаеното време“, вели Елизабет Супер, педијатар во Детската болнива во Портланд. Ако на вашето дете повеќе не му е потребен дополнителен сон, ќе му треба повеќе време да заспие навечер, ќе си легнува подоцна и ќе се буди порано наутро.
- Отпор за спиење
Наместо нормалната рутина која детето ја имало досега, вашето дете дава голем отпор. Може да станува од креветот и постојано да негодува поради спиењето.
- Добар распоред
Кога детето ќе престане да спие во текот на денот, може да издржи во добро расположение цел ден. Секако дека ќе имаат подеми и падови, но поголем дел од времето ќе биде добро расположени и ќе има доволно енергија за целиот ден.
- Лесни утра
И без попладневниот одмор, детето добро ќе спие цела ноќ и обично ќе се буди со добра волја.
