“Возрасен распон во кој децата почнуваат да спијат само еднаш преку ден, обично е помеѓу 12 и 18 месеци, но најчесто тоа се случува помеѓу 14. и 16. месец“, вели Џил Спивак, детски психотерапевт.
- Ако детето почне да одбива да спие во автомобил или во количка
Родителите често размислуваат и се фалат дека возењето во автомобил или во количка ги успива децата. Но, ако децата се подготвени да почнат со нов режим на спиење еднаш во текот на денот, возењето во автомобил и во количка не помагаат за успивање по втор пат. Ако тие го одбиваат второто спиење преку ден, обидете да го исфрлите на неколку дена, па ќе ги видите резултатите.
- Ако на детето му е потребно многу време да заспие
Ако детето има 12 месеци или е постаро, а и постојано му треба се повеќе и повеќе време да заспие, можеби е време да престанете да се борите со тоа, советуваат педијатрите.
- Окупирано внимание
Во феноменот, кој Спивак го нарекува добивка на бебе лотарија, се случува детето да забележи ново достигнување, некоја нова работа која може да ја направи или ново сознание за нешто кое го окупира неговото внимание, и поради слина возбуда, тоа не може да заспие.
Токму споменатиот феномен, исто така се случува во период кога детето ќе наполни 12 месеци, но не дозволувајте да го замени со спиењето. Почекајте некое време, можеби детето ќе биде подготвено и за второ спиење преку ден, кога ќе заборави на новото достигнување.
- Нека не ве збунува ако детето не изгледа уморно
Понекогаш родителите доаѓаат до брз заклучок дека детето уморно само затоа што не изгледа така. Спивак предупредува да не ја правите таа грешка. Таа вели дека вашето дете можеби не изгледа уморно, но тоа не е знак дека детето е подготвено да остане будно и да има само едно спиење во текот на денот.
- Безболен премин
“Кога децата растат, потребно им е се помалку сон во текот на денот. Ако мислите дека вашето дете е подготвено да се префрли на едно спиење, еве одличен начин како тоа да го направите: постепено утринската рутина одложувајте ја додека таа не дојде до пополадневните часови и не стане само едно спиење во денот“, вели Спивак и советува секои два до три дена да го менувате терминот на спиење се додека не дојдете до терминот после ручекот.
