Кое е најдобро време за одење на спиење?
Ако го ставите детето во кревет прерано, ќе се жали дека долго не може да заспие, а ако му дозволите да остен предолго будно, големи се шансите да се премори и од тоа да не може да заспие.
Нов калкулатор на детскиот сон, базиран на науката за спиењето, го пресметува точното време за легнување на спиење, кое е идеално за детето – зависно од неговата возраст и времето кога мора да се разбуди.
Калкулаторот ги зема предвид циклусите на спиење и ќе ви помогне да го “наштимате“ будењето на детето во период меѓу циклуси, оти ако морате да го будите од длабок сон, будењето ќе биде потешко, а детето ќе биде поуморно и полошо расположено во текот на целиот ден. На пример, за дете на четири години, еден циклус, трае околу половина час.
НАЈДОБРО ВРЕМЕ ЗА ВАШЕТО ДЕТЕ
Авторите на калкулаторот истакнуваат дека родителите треба да имаат предвид дека некои деца имаат потреба од 12 или повеќе часови сон секоја вечер, а на други им е доволно и помалку. Исто така, на повеќето деца им е потребно околу 14 минути да заспијат, и тоа е пресметано во резултатите кои ги дава калкулаторот.
Добро е тоа што калкулаторот нуди неколку идеални термини за легнување на спиење, па можете да го одберете она време кое најдобро ќе одговара на потребите на вашето дете, зависно од тоа дали е спанко или не му треба многу сон.
Според Луси Шримптон, советник за спиење и автор на калкулаторот, објаснува дека “колку и да биде должината на спиењето, времето на будење кое нема го попречи длабокиот сон, обезбедува најдобар почеток на денот“.
Така, на пример, дете на четири години, кое треба да се разбуди во 7 часот наутро, би требало да легне да спие во 17:46, 18:16, 18:46, 19:16 или во 19:46 часот, во склад со циклусот на спиење од половина час.
Но, дете на седум години кое се буди во исто време, на спиење треба да легне во 19:56, 20:46 или во 21:36 часот, оти неговите циклуси на спиење траат околу 50 минути.
