Комуникацијата со децата е важна бидејќи помага да се изгради силен однос и да се разберат нивните чувства. Меѓутоа, понекогаш одредени фрази или прашања може да ги збунат децата, да им предизвикаат непријатност и потенцијално лошо да влијаат врз нивната самодоверба. Едукаторката за воспитување, Кејти Планкет, наведува вообичаено прашање што родителите често им го поставуваат на своите деца, а таа мисли дека треба да престанат.
Планкет го издвојува прашањето: „Што сакаш да бидеш кога ќе пораснеш?“
„Проблемот е што ова прашање е прилично еднодимензионално. Тоа всушност не дава многу увид во интересите или амбициите на детето. На децата им се поставува ова толку често што може ненамерно да ги наведе да поверуваат дека работните титули или амбициите за кариера дефинираат кои тие се“, објаснува таа.
Таа тврди дека прашањето не е нужно лошо, но ако сакаме да ги разбереме амбициите и интересите на нашите деца, ова прашање веројатно нема да ни помогне во тоа.
Планкет советува конкретни, отворени и креативни прашања кои се погодни за децата.
Некои примери се:
- Што сакаш да правиш, а зарди што го губиш поимот за време?
- Кога би можел било што да изумиш, што би било тоа и зошто?
- За кои работни места би сакал/а да научиш повеќе и зошто?
„Децата полесно ќе одговорат на вакви прашања“, заклучува едукаторката.
