Новороденчињата често киваат, но тоа не е знак на настинка. Кивањето е рефлекс на организмот за да ги ослободи дишните и носните патишта. Воздухот што го вдишуваме е полн со нечистотии, како честички прашина, загадувања, хемиска пареа која со помош на кивањето се исфрла од носот. Ако вашето бебе често кива, а нема други симптоми на настинка или болест, не грижете се – тоа е нормално.
“Кивањето не е симптом на болест, повеќе се работи за настинка или иритација, и надрзаби на слузницата на носот. Значи, ако бебето нешто го чешка во носето или го пецка, тоа кива“, објаснуваат педијатрите.
НАЈЧЕСТИ ПРИЧИНИ ЗОШТО БЕБЕТО КИВА
Мало носе: новороденчињата и бебињата имаат тесни назални патишта и често им пречат влакна од миленици, од прекривки и ќебиња, прашина… па редовно ливаат за да ги ослободат дишните патишта.
Хигиена на носот: децата дишат на уста и не им е лесно да се префрлат на дишење низ нос и затоа хигиената на носната шуплина кај доенчињата е многу важна, оти освен што не знаат да дишат на уста, не знаат ни сами даиздуваат нос. Затоа се советува редовно чистење на носот на бебето.
Затнат нос: кога едната ноздра е затната, може да се отвори со кивање. За време на доењето, бебето може да биде стиснато до мајката и така едната ноздра да му биде затворена или малку стисната. По хранењето, бебето може да кива за да ја отвори ноздрата. Ако на бебето му е затнато носето, пред хранење исчистете му го.
