ПИШУВА:
Прим. д-р Методија Томевски
специјалист педијатар
ПОСЕБЕН ОСВРТ НА СЛУЧАЈОТ КОЈ НАЛИКУВА НА ФЕНОМЕН, А НЕ Е ФЕНОМЕН, ТУКУ ДРЖАВА И НАРОД ОД КОИ МОЖЕ ДА СЕ УЧИ
♦♦♦♦♦♦♦
ВИЕТНАМ е пример за целиот свет како една земја со над 97 милиони население, со социјалистички државен режим, со БДП по глава на жител од 2.650 $, со 1.600 км граница со земјата каде коронавирусот ја започна епидемијата (КИНА), успеа да има само 350 заразени случаи, од нив 245 оздравени, а ниту еден смртен случај. Денес 17-ти јуни само еден нов случај!? Се прашуваме како е тоа можно?
Актуелната епидемија го потврди стекнатото искуство за заедништво и поединечна и колективна одговорност, строго безрезервно почитување на сите препораки од меродавните институции и стручњаци експерти. Доказ се резултатите
Еве го одговорот: Виетнам е намачена земја, со децении водела војни со разни освојувачи, тек 1973 год. се обединува северниот и јужниот дел, и конечно станува независна социјалистичка република. Исцрпеноста од војните, нискиот економски стандарад, погодно тло за развој на бројни заразни болести, со епидемиски размери. Ги преживеале следните епидемии: маларија, сезонските грипови, птичјиот грип, САРС, туберкулоза, сида, морбили, денга и др.
Овие епидемии на властите и на народот им беа доволно искуство и наравоученија како треба најдобро да се справуваат и никогаш да не дозволат да бидат изненадени и неспремни.
Актуелната епидемија го потврди стекнатото искуство, за заедништво и поединечна и колективна одговорност, строго безрезервно почитување на сите препораки од меродавните институции и стручњаци експерти. Доказ се резултатите.
Власта беше свесна дека ќе има работа со непознат и многу опасен патоген непријател. Беше свесна дека ако не преземе навреме ригорозни мерки на претпазливост, набрзо здравствениот систем ќе биде преоптеретен, дури и при благо ширење на епидемијата.
Хронологија на преземените мерки: Владата кога доби информација дека во Вухан, Кина, има два смртни случаи од мистериозна пневмонија, веднаш направи ригорозен акционен план до детали: кој, како, кога, каде и на кој начин треба да се однесува и да делува, од врвот на институциите до секој поединец, во милионските градови, но и во селата, без исклучок. На 23 јануари 2020 год. родител се вратил од посета на син во Вухан. Тој бил првиот позитивен случај на коронавирусот.
Целокупниот план веќе бил готов на маса и операбилен. Одма е донесена одлука за прекин на наставата од градинките до сите образовни институции се до 15-ти мај, кога биле повлечени рестриктивните мерки. Стопанските субјекти на цела држава биле секој поединечно лимитирани во своите активности. Сепак, никогаш целосно не запрело стопанството, и работи со продуктивност од околу 3,5 % од БДП.
Друга посебна поволност: Научно- истражувачките институти произвеле сопствен реагенс за тестирање на COVID-19, кој резултатот го чита за еден час, со точност од преку 90 %. Го лиценцираат кај неколку врвни европски и амерички институти, и се стекнуваат со право во огромни количини да го извезуваат во истите земји, и да направат огромен профит за својата држава. Истовремено направена е огромна нагледна кампања, којашто уште повеќе го обедини целиот народ против подмолниот невидлив непријател, на најсветото за човекот: ЗДРАВЈЕТО И ЖИВОТОТ. Со ваков приод и безрезервна посветеност на сите релевантни институции и поединци со поддршка на целокупното население, ниту еден човечки живот не беше загрозен. Тоа би било врв на секој здравствен систем, и на секоја посветена влада, од кој може да се учи.
- П.С. Ажурирани податоци со 7-ми октомври 2020 год.
Само 1090 случаи вкупно и само 35 смртни случаи во држава со 97 милиони население. Дали се работи за „феномен“ или само за народ кој строго и дословно почитува струка и наука, препораки и мерки или можеби има уште нешто, генетика… или можеби и уште нешто!? Го чекаме одговорот. (Крај)
