ПИШУВА:
Прим. д-р Соња Петровска
педијатар-пулмоалерголог
♦♦♦♦♦♦♦
Синдром на алергија на полен и храна
Исто така познат како орален алергиски синдром, синдромот на алергија на полен и храна делува на многу луѓе кои имаат поленска треска. Во оваа состојба, одредени свежи овошја и зеленчуци или ореви и зачини можат да предизвикаат алергиска реакција која предизвикува трнење или чешање во устата. Во посебни случаи, реакцијата резултира со отекување на грлото или дури и анафилакса.
Протеините во одредени овошја, зеленчуци, ореви и зачини предизвикуваат реакција, бидејќи тие се слични на протеините кои предизвикуваат алергија и се среќаваат кај одредени полени. Ова е пример за вкрстена реакција.
Кога дома се припрема храна која предизвикува синдром на алергија на полен, тогаш симптомите може да бидат помалку изразени.
Во следната табела се прикажани специфичните овошја, зеленчуци, јаткасти плодови и зачини кои можат да предизвикаат алергиски синдром на полен и кај луѓе кои се алергични на различни полени.
⇒ Ако постои алергија на полен од бреза исто така може да се јави реакција на:
Бадем
Јаболко
Кајсија
Морков
Целер
Цреша
Лешник
Праска
Кикиритки
Круша
Слива
Компири
Соја
Некои билки и зачини (анасон, ким, коријандер, магдонос)
⇒ Ако постои алергија на полен од амброзија, може да се јави реакција на:
Банани
Краставица
Диња и лубеница
⇒ Ако постои алергија на полен од треви може да се појави реакција на:
Тиквички, краставица
Диња и лубеница
Портокал
Кикиритки
Домати
Бел компир
Специфични овошја, зеленчуци, јаткасти плодови и зачини можат да предизвикаат алергиски синдром на полен и кај луѓе кои се алергични на различни полени
⇒ Ако постои алергија на артемизија, може да се појави реакција на:
Јаболко
Бел пипер
Брокула
Зелка
Моркови
Целер
Карфиол
Лук
Кромид
Праска
Некои билки и зачини (анасон, црн пипер, кинеско семе, коријандер, сенф, магдонос)
Алергија на храна предизвикана од вежбање
Јадењето одредени видови храна може да предизвика кај некои луѓе свраб или вртоглавица наскоро откако ќе почнат да вежбаат. Сериозна реакција е ако се јави уртикарија или анафилакса. Се советува да не се јаде неколку часа пред вежбање и да се избегнуваат одредени видови храна, за да може да се спречи овој вид на реакција.
