Во јасли, градинките и училиштата често се јавуваат вошки на косите на децата и создаваат еден магичен круг од кој е тешко да се излезе. Тоа е така, бидеќи вошките многу лесно се пренесуваат, при близок контакт со заразено дете, па вошки може да фатат и наставниците, воспитачките и целото семејство.
Вошките се ектопаразити кои се наоѓаат во косата, обично со големина до три милиметри. Се хранат со крв од темето на глвата, а при убодот предизвикуваат чешање и иритација на кожата. Вошките не се знак за лоши услови на живот и лоша хигиена, туку може да се појават и кај лица кои исклучително внимаваат на чистота. Не се опасни, но се досадни и предизвикуваат иритација. Може да се појават ранички на темето поради интензивното чешање, кои во ретки случаи може и да се инфицираат.
Чешлањето на косата е најдолгиот процес, но фава најдобри резултати. Со чешлањето се отстрануваат и гнидите и косата целосно се чисти од вошки. Кога детето ќе фати вошки, иако сте направиле се да се исчисти, сепак најдобро е косата да се прегледува и чешла неколку недели по фаќањето, за во целост да бидете сигурни дека паразитите се отстранети. Од помош може да бидат и некои природни средства кои ги уништуваат вошките и го дезинфицираат темето. Најдобри природни средства против вошки се: Лук, вазелин, масло од чајно дрво, маслиново масло, кокосово масло, вазелин и сол.
ЛУК
Потребно е да иситните лук така да се добие густа смеса на која ќе се додаде малку кокосово масло. Смесата треба да се нанесе на косата пред спиење и да се замота со пешкир. Наутро косата се чешла со густ чешел и темелно се мие.
МАСЛО ОД ЧАЈНО ДРВО
Ова масло е природен инсектицид кој е потребно да се измеша со неколку капки маслиново масло и смесата да се нанесе на цела должина на косата. Најдобро е тоа да се направи пред спиење, косата да се завитка со памучна крпа и следното утро да се измие и да се исчешла.
КОКОСОВО МАСЛО
Кокосовото масло го негува темето (скалпот) и косата, а делува и против вошки. Маслото ставете го на коса пред спиење. Во него може да додадете и малку јаболков оцет и зелен чај, за да делува и антибактериски смесата. Постапката е иста, се мие наутро костата и се чешла убаво.
ЈАБОЛКОВ ОЦЕТ И СОЛ
Во размер 1:1 измешајте јаболков оцет и сол така да добиете густа смеса, а количината прилагодете ја должината на косата на детето. Смесата се става на косата неколку часа да отстои или преку цела ноќ, а потоа прво се чешла, па се мие.
ВАЗЕЛИН
За итно решение најдобар избор е вазелинот, кој се става на темето и на косата и се остава да стои цела ноќ. Наутро косата треба прво убаво да исе исчешла со ситен и густ чешел и по тоа темелно да се измие.
