Стриите претставуваат пасивни лузни на кожата, кои настануваат по растегање на самата кожа. Најчесто се со розеникава или пак бела боја.
Стриите се јавуваат кај лица кои нагло се здебелуваат, растат и најчесто се јавуваат кај бремените жени. Стручњаците советуваат цело време додека трае бременоста, кожата на стомакот да се мачка со некоја крема против стрии, за да се спречи нивно појавување.
Ако сепак дојде до тоа, испробајте едноставно, а природно решение за овој проблем.
ПРИРОДЕН ПИЛИНГ ПРОТИВ СТРИИ
Измечајте мала шолја шеќер, половина мала шолја бадемово или кокосово масло и додадете малку лимонов сок. Смесата масирајте ја на деловите од телото каде имате стрии. Повторувајте го третманот три пати во неделата за време на туширање, а смесата масирајте ја најмалку десет минути на кожата.
Додека гранулите ќе ја разградат лузната, маслото ќе ја омекне, а лимоновиот сок ќе ја избледи.
