Како да запомните нешто, да го пронајдете вистинскиот збор или да обработите нови информации се некои од долгорочните когнитивни потешкотии со кои се соочуваат луѓето кои го прележале Ковид-19 и кои се почести отколку што се мислеше, покажува новото истражување.
Студијата објавена во САД во научното списание „Јама“, покажува дека овие потешкотии се повеќекратно поприсутни кај поранешни пациенти кои биле хоспитализирани поради Ковид-19 од оние кои имале поблага форма на болеста и биле лекувани дома.
Долгорочните когнитивни ефекти на Ковид-19 се дел од цела низа здравствени проблеми со кои мора да се борат луѓето кои прележале Ковид-19. Повеќе од 200 симптоми се поврзуваат со долг Ковид
Особено е голема разликата кога станува збор за наоѓање на вистинските зборови: 13 проценти од дома лекуваните пациенти се соочиле со оваа тешкотија во споредба со 35 проценти од хоспитализираните.
Кога станува збор за внимание, бројките се 5 и 15 проценти за хоспитализирани, а потешкотии со памтењето истакнале 12% од луѓето кои прележале поблага форма во споредба со 39% од пациентите кои биле хоспитализирани.
Студијата се заснова на податоци од 740 пациенти со Ковид-19 регистрирани во американската болничка група „Mount Sinai“.
Жените сочинувале 63 отсто од учесниците во студијата.
Пациентите имале најголеми потешкотии да запомнат некои работи – со ова се соочила секоја четврта личност вклучена во студијата. Потоа следи проблемот со пронаоѓање на вистинските зборови и побавната обработка на информациите.
Долгорочните когнитивни ефекти на Ковид-19 се дел од цела низа здравствени проблеми со кои мора да се борат луѓето кои прележале Ковид-19. Повеќе од 200 симптоми се поврзуваат со долг Ковид, а има и многу други појави кои тешко се разликуваат – на пример, депресија и психосоматски нарушувања.
