Проф. д-р Алемка Маркотиќ, специјалист инфектолог и директор на Клиниката за инфективни болести „Д-р Фран Михаљевиќ“ во Загреб, на прашањето кој нема да може да се вакцинира против коронавирус и што се може да биде контраиндикација, вели дека нема голема листа на контраиндикации.
„Сè уште чекаме одобрување од ЕМА (Европската агенција за лекови) за да стане јасно што би требало тоа да биде. Воглавно, тоа би требало да се луѓе кои се алергични на некои од состојките на вакцините. Првите две вакцини што доаѓаат се базирани на гласник РНК и немаат некои посебни состојки на кои би биле алергични голем број луѓе. Видовме дека се јавуваат одредени реакции и тоа е вообичаена работа при употреба на лекови или вакцини. Луѓето кои ќе се вакцинираат ќе бидат предупредени од здравствените работници на што се мора да внимаваат“, објаснува директорката на Клиниката за инфективни болести во Загреб.
Проф. д-р Маркотиќ вели дека е тешко да се одговори колку долго би требало да трае заштитата од коронавирус.
„Засега, се чини дека оваа заштита трае околу 6 месеци. Подолги истражувања не можеа да се спроведат. Се надеваме дека ќе трае и подолго, со оглед на тоа дека се оди на довакцинирање, односно на второ вакцинирање“, изјави проф. д-р Маркотиќ во Дневникот на ХТВ, а пренесува „Вечерњи лист“.
