Проф. д-р Ана Глигиќ, одговара на прашањето кое засега многу парови кои планираат да го прошират своето семејство.
Вакцината против коронавирус не би требало да им се дава на бремени жени, но не затоа што не е безбедна за нив, туку само затоа што досега не е тестирана во таа категорија. Но, идните родители кои сега планираат потомство, не треба да се двоумат дали да прифатат имунизација.
Вирусологот проф. д-р Ана Глигиќ објаснува и зошто.
„Познато е дека вакцината не треба да се прима за време на бременоста, но ако паровите планираат потомство, она што ќе го примат со вакцината ќе биде елиминирано со појава на антителата по 21 ден, и нема никаква опасност за идното потомство“, изјави проф. д-р Глигиќ за ТВ Прва, а пренесува „Телеграф“.
Според нејзините зборови, вакцинираните лица секако можат да планираат потомство.
„Доколку не примат вакцина, истиот тој вирус ги демне на улица и во соседството. Секој треба да прими вакцина и да помогнеме во решавањето на оваа пандемија“, истакна д-р Глигиќ.
