Познатиот и искусен српски педијатар пулмолог-алерголог од Универзитетска детска клиника „Тиршова“ во Белград, проф. д-р Бранимир Несторовиќ вели дека нема апсолутно никаква причина за паника кога станува збор за коронавирусот.
„Ко Бога ве молам, живејте го својот живот. Сите ќе го дочекаме месец април, а во април ќе излезат сончевите УВ зраци, вие ќе имате многу витамин Д во организмот, а тоа ќе му помогне на имунитетот, вирусот ќе умре“, порачува проф. д-р Бранимир Несторовиќ.
„Навистина апелирам луѓето да не веруваат на непроверени информации. Епидемијата во Кина е при крај. Таа започна на 7 декември. Веќе се знае дека опаѓа вируленцијата на вирусот. Вирусот е сè послаб и послаб. А инаку е слаб. Патем, жените имаат благи облици на овој вирус, нив ги штити естрогенот… Коронавирусот е најслаб кога ќе се спореди со САРС и МЕРС“, истакна д-р Несторовиќ во своето вчерашно обраќање до јавноста.
Д-р Несторовиќ, исто така, додаде и дека нема да носи маска бидејќи тоа е потполно бесмислено. „Јас нема да носам маска, никогаш и не сум ја носел. Рацете ќе ги мијам како што и досега ги миев“.
