„Ги замолив моите деца да ми кажат – кои се најсреќните моменти што ги паметат? Кои се нивните најубави спомени? Меѓу нивните одговори беа семејни излети во забавни паркови, одење во аква паркови, друштвени игри со семејството, првото патување на море. Тие не спомнаа ниту една играчка, исто како што очекував, бидејќи сакав да му докажам на мојот осумгодишен син дека нашата најголема радост се искуствaта, а не нештата“, вели Томас Гилович, професор по психологија на Универзитетот Корнел, кој го проучува прашањето за парите и среќата повеќе од дваесет години. Проф. Гилович вели: „Еден од непријателите на среќата е прилагодувањето. Купуваме работи што ќе не направат среќни и успеваме во тоа. Но, само накратко. Новите работи во почетокот се возбудливи за нас, но потоа се прилагодуваме на нив“.
Истражувањата покажуваат дека децата кои имаат помалку играчки всушност си играат повеќе од децата кои имаат многу играчки. Ова е затоа што ограничувањето на количината на играчки овозможува длабочина на играта, но исто така ја поттикнува и креативноста бидејќи вашето дете наоѓа нови начини да си игра со она што го има
„Тоа апсолутно можам да го видам на примерот на моите деца. Дури и по неколку недели инсистирање и барање нова играчка, кога конечно ќе ја добијат, брзо им здосадува и ја бараат следната играчка што сакаат да ја купат. Тоа е бесконечен циклус на досада што веројатно сте го забележале кај вашите деца. Колку играчки кои им биле непотребни сте продале или сте подариле, бидејќи се покажало дека воопшто не им биле интересни?
Она што го доживуваме заедно не поврзува. Овие искуства ги градат нашите семејни врски и стануваат скапоцени спомени многу повеќе од која било играчка.
Истражувањата покажуваат дека децата кои имаат помалку играчки всушност си играат повеќе од децата кои имаат многу играчки. Ова е затоа што ограничувањето на количината на играчки овозможува длабочина на играта, но исто така ја поттикнува и креативноста бидејќи вашето дете наоѓа нови начини да си игра со она што го има. Покрај тоа, со помалку играчки и помалку превртувања, веројатно ќе видите и помалку неред и расправии.
Дури и со сите тие докази кои говорат во корист на создавање искуства со децата, наспроти натрупување играчки, можеби ќе ви биде тешко да се ослободите од сите работи на кои сте ги потрошиле вашите тешко заработени пари. Размислете за ротација на играчките како решение. Извадете неколку играчки, а остатокот ставете го во кутии и сместете го некаде. Потоа менувајте ги периодично.
На крајот, најдобрите спомени на вашето дете нема да бидат скапите и популарни играчки што сте му ги купиле, туку времето што сте го поминале заедно уживајќи во друштво на едни со други. Вистинската среќа не доаѓа од добивањето на она што го сакаме, туку од сакањето на она што го имаме и блискоста со оние што ги сакаме. Гилович вели: „Ние консумираме искуства со други луѓе и откако ќе ги нема, тие се дел од приказните што си ги кажуваме едни на други.“ Ако сакате утре да бидете во приказните на вашите деца, споделете ги вашите искуства со нив денес. (Зелена учионица)
