Секој родител кој доживеал детето да се загрцне и да почне да се гуши од проголтано залче храна, знае за каква ноќна мора се работи. Брзата реакција е нужна, оти мозокот на детето без кислород може да издржи само неколку минути.
Ако детето почне да се гуши од парче/залче храна, треба да го легнете на стомак преку вашите колена, така што главата и долниот дел од грбот да му висат надолу. Неколку пати (не пресилно), со дланка удирајте го детето по горниот дел од грбот. Ако не успее оваа метода, лекарите советуваат Хеимличов зафат.
Сепак, неговата примена се разликува кај бебиња до една година и кај постари деца.
БЕБЕТО треба да го свртите на грб , така што главата да му биде поставена пониско од останатиот дел на телото, па ставете два прста непосредно под врвот на градната коска, и притиснете. Кај ДЕЦА ПОГОЛЕМИ ОД ЕДНА ГОДИНА, овој зафат се спроведува на ист начин како и кај возрасните. На детето треба да му застанете зад грб, да го опфатите со рацете и да направите нагло притисок на горниот дел од стомакот. Тоа би требало да го исфрли возздухот од белите дробови, а со тоа и страното тело.
Освен поради храна, децата може да дојдат во опасност од гушење и поради бројни ситни предмети во нивната околина – делови од коцки, копчиња или мали округли батерии од играчки. Ако не се големи и остри, овие предмети многу често минуваат низ дигестивниот тракт без проблеми и детето ги исфрла преку столицата, но тоа не исклучува итна посета на лекар ако се посомневате дека детето нешто голтнало.
