Не му ја соблекувајте облеката на детето!
Изгорените површини треба да се ладат (ќеса со мраз, студени облоги, вода од чешма), со цел да се намали болката и отокот, како и да се неутрализира вишокот топлина. Потребно е да се ослободат дишните патишта, ако е можно.
Во случај детето да е животозагрозено,веднаш повикајте Брза помош. Изгорените делови од телото треба да се покријат со стерилен обичен завој, а ако немате – со чисто бело платно/чаршав.
Одозгора намотајте полиетиленска или алуминиумска фолија, за да се намали губитокот на течности и топлината преку изгорените површини.
Изгорените екстремитети треба адекватно да се измобилизираат!
На изгорените површини никако не ставајте прашоци, масти, мелеми, спрејови и слично.Против болка дајте му на детето парацетамол или ибупрофен. На изгорената површина најдобро е да се покрие со газа (која може да е импрегнирана со агенс кој ја помага стерилноста или го забрзува заздравувањето), но дури по примарна обработка во здравствена установа.
Примената на антитетанусна заштита е задожителна за деца чии изгорени површини дошле во контакт со земја или друга нечистотија, а под услов да не ги примиле сите три дози на вакцина против тетанус, која се дава почнувајчќи од вториот месец од животот на детето.
Сите изгореници на доенчиња се лекуваат во болница. Секоја изгореница е потенцијално влезно место за инфекција, па често е потребна употреба на антибиотик, за што одлука донесува лекар.
