Пред породувањето сте се изнагледале илјадници фотографии од новопечени, насмеани мајки кои позираат пред камерата и изгледаат како штотуку да се симнале од модна писта, а не пак да излегле од родилиште. За жал, брзо сфаќате дека реалноста е малку поинаква. Секако, и понатаму е тука неописливата среќа што сте станале мајка, но тука е и она што доаѓа по породувањето – првите предизвици со кои понекогаш не е лесно да се справите.
Постпородилната тага или „бејби блуз“ се јавува 2 до 5 дена по породувањето, трае до еден месец и со неа се соочуваат повеќето новопечени мајки. Ненадејниот пад на нивото на естроген по породувањето може да предизвика промени во расположението: нормално е да сте чувствителни, раздразливи, вознемирени или да се чувствувате како да ви е премногу во првите недели по породувањето
Крвавење
Немојте да се изненадите ако сте погодени од постпородилни симптоми, не сте единствените. Крвавењето е сосема нормална појава после породувањето, без разлика дали сте се породиле со царски рез или вагинално. Ќе крвавите до шест недели по породувањето (т.н. лохии или постпородилно крвавење). Крвавењето ќе биде обилно во првите две недели, а потоа ќе станува сè полесно и полесно. Можеби ќе изгледате бледо поради крвавењето, но не дозволувајте тоа да ве загрижува бидејќи сега не е време да изгледате како лице од насловните страници.
Често мокрење
Токму кога мислевте дека со породувањето ќе се реши проблемот со пречестото одење во тоалет, еве го повторно. Поради вишокот течност што се акумулирал во текот на 9. месец, може да дојде до појава на често мокрење.
Контракции
Иако контракциите се поврзуваат само со породување, тие се јавуваат и по завршувањето на бременоста. Контракциите по породувањето и помагаат на матката да се врати во својата нормална големина. За време на доењето, контракциите можат да бидат уште поинтензивни.
Постпартална тага
Постпородилната тага или „бејби блуз“ се јавува 2 до 5 дена по породувањето, трае до еден месец и со неа се соочуваат повеќето новопечени мајки. Ненадејниот пад на нивото на естроген по породувањето може да предизвика промени во расположението: нормално е да сте чувствителни, раздразливи, вознемирени или да се чувствувате како да ви е премногу во првите недели по породувањето. Бејби блузот ќе помине сам по себе, потребни се само неколку дена одмор и голема поддршка и помош од околината.
Иако контракциите се поврзуваат само со породување, тие се јавуваат и по завршувањето на бременоста. Контракциите по породувањето и помагаат на матката да се врати во својата нормална големина. За време на доењето, контракциите можат да бидат уште поинтензивни
Бидете добри спрема себе
Ова е лесно е да се каже, но сепак, обидете се бидејќи на вашето тело му треба најмалку една година за да се врати во „нормала“. Се наоѓате во потполно непозната животна ситуација, се соочувате со нови предизвици, кожата мора да се врати во првобитната состојба, многу мускули извесно време не се користени, карлицата сè уште е раширена… Иако животот сега може да ви изгледа како трчање маратон, не заборавајте дека сте мајка! Уживајте во новонастанатите пречки и драгоцени моменти со вашето новороденче.
