Преносот на коронавирусот од некое прво животно на второ пред да се заразил човек е “најверојатната“ претпоставка., изјави Питер Бен Ембарек, водач на делегацијата на Светската здравствена организација, која ја заврши истрагата во Вухан, каде и почна епидемијата која во свет досега однесе 2,3 милиони човечки животи.
Меѓутоа, таа можност бара понатамошни истражувања, вели тој и додава дека исто така е можен пренос на вирусот и од замрзната храна и дека и таа можност треба да се истражи.
Кина ја заговара оваа идеја, тврдејќи дека повеќепати пронашла коронавирус на замрзната храна од увоз.
“Знаеме дека вирусот може да преживее во услови кои постојат во тие студени, замрзнати простори, но не разбираме може ли навистина да се пренесе на луѓе и под кои услови“, објаснува Ембарек.
Пренесувањето од некои животни е веројатно, но тоа “не е уште идентификувано“ , изјави Лианг Ваниан, водач на кинеската експертска група.
Во секој случај, претпоставката за излегување на коронавирусот од лабораторија е “ многу неверојатно“, велат претставниците на СЗО, додавајќи дека “не постојат доволно докази да се утврди дали вирусот SARS-CoV-2 се проширил во Вухан пред декември 2019.“.
Ембарек вели дека истражувањата упатуваат на тоа дека коронавирусот потекнал од лилјаците, но и дека не е неверојатно тие да се наоѓале во Вухан.
За целосно сфаќање на потеклото на КОВИД-19 ќе бидат потребни години, согласни се експертите.
Меѓународните стручњаци стигнаа во Вухан на 14. јануари иги истражиле клучните локации вклучувајќи го пазарот со морски плодови во Хуанан, каде заразата првично се појавила, како и Институтот за вирологија, кој се занимава со истражувања на коронавирусот.
