Колку долго ќе трае царскиот рез зависи од тоа колку сте имале претходно. Првиот царски рез е обично побрз бидејќи има помалку ткиво со лузни кое останува од претходните операции.
„Општо земено, ни требаат најмалку 15 до 20 минути за да дадеме анестезија, потоа околу 5 минути за да го исчистиме стомакот и да го заштитиме со стерилни ткаенини“, објаснува д-р Келин М. Бош, гинеколог од Калифорнија и додава: „Од во моментот кога мајката ќе влезе во операционата сала, до излегување поминуваат околу 45 минути до еден час. Првата операција трае само до 25 минути“.
Што се случува за време на царскиот рез?
„Повеќето луѓе не знаат низ кои слоеви треба да помине лекарот за да дојде до бебето. Постои епидермис (надворешен слој на кожа), дермис (живо ткиво на кожата), поткожно ткиво, фасција, стомачни мускули, ректални мускули (кои не се сечат, туку одвојуваат), под тоа уште фасција, париетален стомак, висцеларен перитонеум ( ја покрива матката), мускулите на матката, хорионот, амнионска обвивка и конечно сте дошле до бебето“, објаснува гинекологот.
Кога ќе ги видите слоевите низ кои треба да поминат лекарите за да дојдат до бебето, очигледно е дека царскиот рез не е едноставна операција.
Средба на бебето со светот
Откако ќе помине низ сите слоеви, лекарот аспирира малку плодова вода, а потоа со помош на рацете и инструментите се раѓа бебето. Жената која е будна може да почувствува притисок и влечење за време на операцијата, но не треба да чувствува болка. Откако главата на бебето ќе излезе од стомакот, лекарот ќе и ги исчисти дишните патишта.
Зошто царскиот рез може да потрае подолго?
Како што објаснува Келин М. Бош, целиот процес би можел да потрае и подолго ако дојде до компликации за време на давање на анестезијата или ако имало претходни царски резови или операции.
Како претходните операции го отежнуваат царскиот рез?
„Лекарот мора побавно и потемелно да го обработува секој слој ткиво за да не ги оштети органите кои би можеле да се „прилепат“ за матката од претходните операции. Ако пациентката претходно поминувала низ обид за вагинално раѓање, бебето може да се заглави во вагиналниот канал, што може да бара проширување на засекот во матката, што бара дополнително време“, објаснува д-р Бош.
Дополнително, постои можност жената да крвари повеќе од вообичаено, па лекарскиот тим мора да се погрижи и за тоа.
