Воспитувањето доаѓа со многу предизвици, а секој родител сака успешно да се справи со нив. Но, понекогаш можеби не се сигурни како да ги надминат овие предизвици, па затоа се обраќаат до семејството и пријателите за совети. Меѓутоа, психологот и мајка на три деца, д-р Џезмин Меккој, тврди дека некои совети можат да предизвикаат повеќе штета отколку корист. Таа истакнува три такви совети.
1. Можете да спречите излив на бес
„Ова размислување е токсично. Тоа имплицира дека постојат работи што можеме да ги направиме за да ги спречиме нашите деца да имаат чувства, што е невозможно. Ова може да направи родителите да се чувствуваат лошо затоа што мислат дека не се доволно добри во родителството ако не успеале да ги стопираат тантрумите кај детето“, истакнува психологот.
2. Игнорирајте ги вашите деца кога имаат изливи на бес
Меккој истакнува дека родителите можат да прават паузи доколку имаат потреба за време на конфликт или тантруми, но нивното целосно игнорирање може само да ја влоши ситуацијата.
3. Останете смирени
„Разбирам дека намерата е добра, но овој совет е навистина нејасен и имплицира дека постојат „добри“ и „лоши“ емоции. Исто така, во голема мера е нереален“, заклучува психологот.
