Иако родителите можеби мислат дека лажењето на децата не е во ред, детски психолог смета дека понекогаш тоа и не е лоша идеја. Додека ги учиме децата никогаш да не лажат и им нагласуваме да не го прават тоа, невините бели лаги можат да го олеснат животот одвреме-навреме.
“Лажењето не е знак за лошо родителство. Ние кажуваме бели лаги во просек 34 пати на ден”, вели детскиот психолог Алисон МекКлимонт за The Sun.
Според Меклимонт, можеме да користиме бели лаги за да направиме нашето дете да се чувствува важно. Затоа, таа предлага да кажеме дека секое уметничко дело што тие го произведуваат е неверојатно.
“Не секој цртеж ќе заврши на фрижидерот, но важно е децата да чувствуваат дека создале ремек-дело. Уметноста е позитивен, вреден потфат и секогаш треба да се слави. Развивањето на креативноста поттикнува самодоверба, имагинација и изразување”, објаснува таа.
Втората лага им ја препорачува на родителите чии деца неволно одат на спиење.
„Олеснете си и кажете дека и вие ќе одите во кревет. Вашето дете можеби поради тоа ќе биде посклоно да оди во кревет, наместо да се грижи дека ќе пропушти нешто ако сите останати се уште се будни“, објаснува детскиот психолог.
За да ги поттикнат помладите деца да се оддалечат од екраните, според Меклимонт, родителите можат да им кажат на децата дека играњето игри или гледањето телевизија по 20 часот е забрането.
