Строгите родители би можеле да предизвикаат големи проблеми кога станува збор за менталното здравје на нивните деца, покажува едно истражување.
Истражувачки тим од Флорида открил дека родителите, првенствено со добри намери, им го ускратувале на своите деца потребното време за играње и самостојно учество во различни активности.
На децата им треба слобода за да прераснат во добро приспособени и успешни поединци способни да се грижат за себе. Исто така, како што растат децата, има се повеќе можности за самостојни активности кои родителите кои применуваат строго родителство често им ги ускратуваат, што, меѓу другото, влијае и на нивното ментално здравје
Во голема анализа која опфатила дури 80 студии, научниците откриле дека на децата им е оставено помалку време за самостојна игра од 1970-тите, што одговара на наглото зголемување на депресијата и анксиозноста кај помалите деца.
Недостатокот на независна игра ги лишува децата од можноста да изградат лик кој може да се бори со животните стресови, што е директен извор на среќа, велат истражувачите.
„Родителите денес се претерано подложни на пораките за опасностите што можат да ги снајдат децата. Но, всушност, на децата им треба слобода за да прераснат во добро приспособени и успешни поединци способни да се грижат за себе. Исто така, како што растат децата, има се повеќе можности за самостојни активности кои родителите кои применуваат строго родителство често им ги ускратуваат, што, меѓу другото, влијае и на нивното ментално здравје“, вели д-р Дејвид Бјоркланд, психолог од Универзитетот Флорида Атлантик, кој го водеше истражувањето.
Тој исто така додава дека „децата треба да научат поефикасно да се справуваат со реалниот свет“.
Во мета-анализата објавена во „Journal of Pediatrics“, истражувачите откриле дека децата сега се одгледуваат со помалку време поминато во игра.
Како што објаснија, САД се соочуваат со експлозија на проблеми со менталното здравје меѓу младите луѓе, при што стапките на анксиозност и депресија достигнуваат највисоко ниво досега.
