Растењето и воспитувањето деца може да бидат напорни и тешки. Затоа, не е невообичаено да се видат уморни родители кои мислат дека повеќе не можат да се справат со предизвиците на родителството. Според неврологот д-р Пуја Агарвал, родителското согорување, или таканаречениот брнаут, е „физичка, ментална и емоционална исцрпеност што родителите ја чувствуваат поради хроничниот стрес од родителството“.
Со оглед на модерниот, брз начин на живот кој ги принудува родителите да извршуваат повеќе задачи за помалку време, исцрпеноста или согорувањето може да биде очекувано. Меѓутоа, за родителите да ја побараат потребната помош, најпрво е важно да се препознаат симптомите на родителското согорување. Психологот и едукатор за воспитување, Џејми Блох, неодамна ги откри седумте најчести знаци на овој синдром.
Таа ги издвои следниве симптоми:
- Замор.
- Промени на високи и ниски нива на енергија.
- Чувство на заглавување или „замрзнување“: Ова може да се манифестира во форма на трошење време на социјалните мрежи во вашето слободно време кога постојат други работи што сакате да ги правите.
- Чувство на безнадежност.
- Чувствувате замор од сочувство: Ви е тешко да чувствувате емпатија кон другите, особено за членовите на семејството.
- Промена во чувствата: Работите што порано ви биле релаксирачки сега ви изгледаат стресно.
- Чувство на раздразливост.
„Иако родителите кои поминуваат низ овие ситуации може да имаат периоди на одмор, тие никогаш не се чувствуваат целосно одморени. Тоа доведува до уште поголема исцрпеност и стрес. Како резултат на последните неколку години, родителите доживуваат зголемен стрес поради многуте барања на секојдневието“, истакнува психологот.
Родителското согорувањето е проблем кој не треба да се игнорира. Малите промени, како што се грижата за себе, одморот и разговорот со саканите, можат значително да ги олеснат овие предизвици.
