Тантрумитеили изливите на бес кај малите деца се еден од најпредизвикувачките аспекти на родителството. Склони сме да се чувствуваме како добри родители кога нашите малечки се насмеани и опуштени, но можеме да се чувствуваме беспомошни и депресивни кога тие лежат на подот, клоцаат и врескаат. Меѓутоа, верувале или не, нападите на бес кај малите деца се важен дел од емоционалното здравје и благосостојба на детето, тврдат психолозите кои издвојуваат неколку важни причини зошто тантрумите се всушност добра работа.
Една од причините е ослободување од стрес. Имено, експертите тврдат дека солзите содржат кортизол, хормон на стресот. Кога плачеме, буквално го ослободуваме телото од стрес, а истото е и со децата. Утврдено е и дека солзите го намалуваат крвниот притисок и ја подобруваат емоционалната благосостојба, под услов родителот да биде во близина за да спречи повреда на детето на кој било начин.
Освен тоа, тантрумите им помагаат на децата подобро да спијат. До проблеми со спиењето доаѓа бидејќи родителите мислат дека најдобриот пристап во фазите на тантруми е игнорирањето. Но, тоа е погрешо, тврдат психолозите.
Како резултат на тоа, потиснатите емоции на детето се манифестираат кога мозокот е во мирување. Исто како и возрасните, децата може да се разбудат ноќе затоа што се под стрес или се обидуваат да обработат нешто што им се случило во текот на денот. Поради тоа, тантрумите ја подобрува емоционалната состојба на детето и може да му помогнат да спие подобро.
Исто така, тантрумот е одличен начин детето да научи да ги почитува поставените граници. Имено, токму кога му велиме „не“, нашето малечко најчесто доживува изливи на бес, но тоа е добро бидејќи само така ќе научи кое однесување е прифатливо, а кое не е, објаснуваат психолозите.
