Тантрумите или изливите на бес се сосема нормална појава кај малите деца кои сè уште не знаат како правилно да ги контролираат своите емоции и чувства. Меѓутоа, кога ќе се појават, на детето му е исклучително тешко да остане смирено, а родителите се тие кои можат да му помогнат што побрзо да го надмине тантрумот, објаснуваат психолозите. Како што велат, родителите буквално можат да спречат тантрум и да му покажат на детето како правилно да се справи со стресната ситуација.
Исто така, постојат и работи што родителите треба да ги избегнуваат по секоја цена кога нивното дете поминува низ тантрум. Првото нешто е поставување прашања. Иако родителите често се обидуваат разумно да гледаат на тантрумот и да го решат постоечкиот проблем, психолозите советуваат дека поставувањето прашања е една од најголемите грешки кога детето се чувствува лошо и никако не може да се смири.
Тогаш тоа не е во состојба реално да го согледа проблемот, а какво било поставување прашања само дополнително ќе го збуни или налути, тврдат експертите. Во тој момент, мозокот на детето е фокусиран исклучиво на преживување, а рационалното размислување во таква состојба едноставно не е возможно. Прашањата речиси секогаш дополнително го зголемуваат постоечкиот проблем, што е спротивно од она кон што треба да се стреми родителот.
Покрај поставувањето прашања, огромното мнозинство родители се обидуваат да го смират своето дете кога имаат доаѓа до тантруми со употреба на фразата „смири се“. Како што објаснуваат психолозите, оваа реченица не ги смирува ниту возрасните кога се вознемирени, а не дава позитивни резултати ниту кога е во прашање смирувањето на детето. Сосема спротивно, во повеќето случаи тоа доведува до уште посилен излив на бес.
