Високо функционалната анксиозност е форма на анксиозност која често не се препознава бидејќи луѓето кои ја доживуваат може да изгледаат успешни и способни во секојдневниот живот. Таквите луѓе често поставуваат високи стандарди за себе и за другите, што може да доведе до чувство на притисок и страв од неуспех.
Иако можат да ги извршуваат своите секојдневни задачи и да ги исполнуваат обврските, нивната внатрешна борба со анксиозноста може да предизвика ментална и физичка исцрпеност. Важно е да се препознаат знаците на високо функционална анксиозност со цел да се развијат стратегии за управување со стресот и подобрување на квалитетот на животот. Затоа, психолозите Кејтлин Славенс и Челзи Боди предупредуваат на шест индикатори за високо функционална анксиозност кај мајките.
- Поставување високи и нереални стандарди за себе.
- Ментална и физичка исцрпеност.
- Претерано размислување и немирен ум.
- Потребата за континуирана продуктивност.
- Нервозни навики.
- Угодување на другите и чувство на вина кога велите „не“.
„Високо функционалната анксиозност наликува на носење на невидлива тежина, додека однадвор се чини дека сте добро. Прекумерното подготвување за различни ситуации и постојаното преиспитување на „што ако“ изгледаат неопходни за преживување, но полека го уништува вашето ментално здравје. Се очекува да правите сè со леснотија, но внатре сте на работ на вашите можности Но, тоа не мора да биде така. Животот денес може да биде тежок, но терапија може да помогне“, заклучуваат психолозите.
