Воспитувањето деца е тешко, а разбирањето на желбите и потребите на детето може да биде уште потешко. Психологот Џезмин Меккој, која е специјализирана за родителство, предупредува на пет реченици кои дополнително ќе го налутат бесното дете.
„Управувањето со интензивните емоции на нашите деца понекогаш може да изгледа како одење по лушпи од јајца. Еве што да избегнувате кога зборувате со луто дете и зошто“, напоменува таа.
- “Диши длабоко.”
На сите ни е кажано да се смириме кога сме вознемирени и добро знаеме колку тоа може да биде фрустрирачко. За жал, кога ќе му кажете на детето да се смири или длабоко да диши, тоа е истото.
„Никој не сака да се чувствува контролиран, особено кога веќе доживува интензивна емоција“, вели Мекој.
Она што е важно во моментите на лутина е да го научите детето на саморегулација. Охрабрете го детето да размислува за тоа како се чувствува.
- “Што е со тебе? Зошто се однесуваш така?”
Кога детето негодува, ние не се чувствуваме добро. Но, најлошото нешто што можеме да го направиме во тие моменти е да ги преиспитаме нивните постапки.
„Ова прашање не води до решение, често предизвикува срам и исклучување и го поттикнува детето да заземе одбранбен став“, тврди Меккој.
- “Претеруваш! Премногу си чувствителен/а!”
И ова е една од фразите со кои само додаваме масло на огнот. Наместо да му велиме на детето дека претерува, мора да изразиме разбирање.
- „Ако вака продолжиш, нема телевизија!
Како родители, можеме да користиме ултиматуми за да ја смириме ситуацијата, но во реалноста тие можат само да ја влошат ситуацијата.
- „Не биди загрижен/а. Гледај на тоа од поведрата страна“.
Иако оваа фраза може да изгледа позитивна, кога детето е вознемирено, тоа ќе делува омаловажувачки и уште повеќе ќе го налути.
„Понекогаш најдоброто нешто што можете да го направите за да го научите вашето дете да се смири е да му дадете простор“, порачува Мекој.
