Психологот Елинор Гринберг долги години се занимава со проучување нарцисоидните нарушувања на личноста. Како што наведува, децата кои се воспитуваат на одреден начин најверојатно ќе пораснат во нарцисоидни луѓе. Таа тврди дека одредени односи родител-дете во раното детство може да предизвикаат нарцисоидно нарушување на личноста во зрелоста, а еден од нив е особено штетен.
Гринберг предупредува дека најмногу склони кон ова нарушување се децата кои пораснале во семејства каде што или не добивале доволно внимание и љубов од родителите или добивале премногу од тоа.
Како што појаснува психологот, децата кои често биле занемарувани од родителите имаат висок ризик да станат нарциси кога ќе пораснат, а истото се случува и со децата кои на своите родители им биле омилени. Најчесто тоа е „златното“ дете во семејството, кое родителите често го издвојувале од останатите деца и нему најмногу му угодувале.
„Децата кои или не добивале доволно внимание од нивните родители или добивале премногу, имаат најголем ризик од нарцисоидно нарушување на личноста, бидејќи тие бараат внимание цел живот, а тоа влијае на нивните односи со другите луѓе. Најчесто тие се фокусирани исклучиво на себе и на своите потреби, а им недостига емпатија и сочувство кон другите“, додава психологот.
