Најубави спомени, посакувани подароци и Дедо Мраз се детали кои го надополнуваат секој новогодишен и божикен празник. Еве што велат психолозите за детското верување во детето со црвена облека и долга бела брада и зошто не е добро да им уништувате митот за него.
ЗОШТО ДЕЦАТА ТРЕБА ДА ВЕРУВААТ?
Децата треба да веруваат во Дедо Мраз и тоа е една од најубавите и најкорисни родителски лаги, велат психолозите.
Додека во одредени семејства цел декември се раскажуваат приказни за Дедо Мраз и нетрпеливо се очекува неговото доаѓање, постојат и родители кои своите деца од мали ги учат дека не постои таков магичен дедо и дека всушност подароците им ги купуваат мама и тато. Ваквиот став родителите реалисти го бранат со фактот дека децата не треба да се лажат и дека потоа ќе бидат разочарани кога ќе сфатат дека Дедо Мраз не постои. Се поставува прашањето кои од овие родители се во прави и зошто е важно децата да веруваат дека постои дедо со бела брада и црвен костум.
“Истражувањата правени на тема деца и Дедо Мраз,а верувале или не ги има многу, покажуваат дека последниве години се повеќе родители им велат на своите деца дека Дедо Мраз не постои. Тоа се случува поради генерациската разлика во размислувањата и пристапот кон родителството, но и поради тоа што децата денес генерално се повеќе информирани отколку порано, па родителите се плашар дека ќе бидат фатени во лага“, вели д-р Николина Љепава, социјален психолог, која смета дека е корисно децата да веруваат во Дедо Мраз.
Според неа, различните бајки, меѓу кои спаѓа и приказната за Дедо Мраз, од дамнина се неизбежен дел од детското растење и многу се важни за развој на апстрактното размислување кај децата. Тоа го докажале и бројни истражувања, оти низ имагинарни ситуации, преправања и верувања во фантастични ликови, децата менатлно ги вежбаат ситуациите. Тие подоцна им помагаат во разбирање на светот што ги опкружува, но и во разликувањето на реално и нереално, решавање на проблеми и развој на креативноста.
“Освен когнитивни, тука има и социјално-психолошки придобивки од Дедо Мраз, кој претставува олицетворение на т.н. божикен дух на дарување и делење. Тој е пример за добрина, праведност, благосостојба и љубов, така што верувањето во Дедо Мраз поттикнува дарежливост кај децата и го намалува детскиот егоцентризам“, истакнува докторката и додава дека истражувањата покажале дека најголем број деца постепено престануваат да во веруваат во овој магичен лик.
Најважно е што за поголемиот број деца тоа сознание не претставува никаков шок, ниту проблем, а тоа всушност она од кое родителите најмногу се плашат. Откритието дека не постои Дедо Мраз за децата главно претставува позитивно искуство и знак дека се позрели и повозрасни, па затоа едвај чекаат на помладиот брат или сестра да им раскажуваат исти приказни кои ним им биле кажувани.
