Тинејџерите треба да се бунат, тоа им е работа. А, вие потрудете се од нив да извлечете се најдобро, а не со казнувањето уште повеќе да ги туркате во амбис. Потребно е да им се даде причина да не бидат лоши, односно да бидат добри.
Родителите главно сметаат дека без казнување не можат да ги вратат од лошиот пат своите адолесценти, додека Најџел Лата, клинички психолог од Нов Зеланд, вели дека токму тоа е контрапродуктивен метод, особено во периодот на пубертет.
“Тинејџерите се чувствителна категорија, кога е во прашање можност за влегување во проблеми со насилство, дрога, криминал, а притоа се склони кон депресија, мрзливост и суицидни мисли“, наведува Лата.
“Како функционира нивниот мозок? Зошто мора веднаш да реагирате кога ќе видите дека нешто не е во ред? Оти после може да биде доцна. А, тие го мрзат зборот казна и на неа реагираат уште полошо. Потребно е да им дадете причина да не бидат лоши, односно да бидт добри“, вели психологот.
