Сите едвај го дочекавме топлото време, но штом неколку денови дишеме народски кажано “на шкрги“, почнува издишувањето и потрагата по добредојдено разладување. Долгото, жешко лето конечно е пред нас со сите свои радости и недостатоци.
Летото може да биде особено предизвикувачки период кога сте трудница, особено во последниот триместар. Никако не можете да се наместите, да заспиете, нозете ви се тешки, не знаете каде да одите со себе? Или? Можеби дури и добро ги поднесувате долгите, жешки денови? Како и да е, факт е дека високите летни температури можат да ги зголемат непријатностите во бременоста. Отекување на нозете, потење, замор и дехидрација – сето тоа се вообичаени појави за летните бремени жени. Но, со неколку практични совети, летото може да биде многу попријатно. Еве на што треба да внимавате!
- Хидратацијата е клучна
За време на бременоста, на телото му се потребни повеќе течности, а во текот на летото оваа потреба е уште поголема. Се препорачува:
- Вода – пијте најмалку 2-3 литри дневно.
- Хидратантна храна – лубеницата, краставиците, јагодите и портокалите се одлични извори на течности и витамини.
- Избегнувајте засладени пијалаци, газирани пијалоци и премногу кофеин – тие можат дополнително да го дехидрираат телото.
Совет: Ако ви здодее водата, пробајте вода со вкус на свежо овошје, нане или лимон.
- Лесна исхрана за лесно лето
Во лето, апетитот често се намалува, што може да биде предност – но важно е бремената жена да консумира доволно хранливи материи. Фокусирајте се на:
- Помали, почести оброци – полесно ќе ја варите храната и ќе спречите мачнини.
- Овошје и зеленчук – свежото, сезонско овошје и зеленчук се богати со витамини, минерали и влакна.
- Протеини – грчки јогурт, јајца, пилешко, риба (со ниска содржина на жива) и јаткасти плодови ја одржуваат енергијата и го поддржуваат растот на бебето.
- Избегнувајте тешка, масна и зачинета храна – тие можат да ја влошат жиговината и чувството на тежина.
- Борба против жештината
Жештините може да го зголемат отокот на рацете и нозете, предизвикувајќи несоница и замор. Еве како да помогнете:
- Разладување – туширајте се со млак туш неколку пати на ден.
- Подигнете ги нозете – подигнете ги нозете секогаш кога е можно за да го намалите отокот.
- Носете лесна облека – најдобро се дишечките ткаенини како памук и лен.
- Избегнувајте сонце – останете во сенка или во затворен простор помеѓу 11 и 17 часот.
Совет: Ладни облоги на зглобовите, вратот и стапалата можат да обезбедат брзо олеснување.
- Внимателно со активности
Умереното вежбање е сè уште важно за време на бременоста, но бидете внимателни во лето:
- Прошетајте наутро или навечер, кога температурите се пониски.
- Пливање – идеален летен спорт за бремени жени; го лади телото и го ублажува притисокот врз зглобовите.
- Пренатална јога – помага при болки во грбот и го подобрува дишењето.
- Не заборавајте ја вашата кожа
Бремените жени се почувствителни на сонцето – хормоните можат да предизвикаат појава на темни дамки.
- Користете SPF 30+ секој ден, дури и ако сте во сенка.
- Носете шапка и очила за сонце кога излегувате.
