Адолесенцијата е период од кој родителите најмногу стравуваат. Околу неа се вртат предрасуди и генерализации, па многу родители имаат искривени очекувања, што доведува до разочарувања и фрустрации. Постојат неколку фази во овој период помеѓу детството и зрелоста. Ќе ја разгледаме првата фаза, а тоа е рана адолесценција.
Улогата на родителите е исклучително важна. Разговарајте со вашите деца за промените што ги доживуваат и оние што допрва доаѓаат. Бидете подготвени да одговорите на прашањата што може да ви ги постават и да ги насочите таму каде што е потребно. Пружете разбирање за промените во расположението и чувствата што ги обземаат
Станува збор за период помеѓу 10 и 13 години. Важно е да се знае дека овие граници не се строги и варираат од дете до дете. Во некои случаи, оваа фаза може да започне веќе на 8-годишна возраст, а девојчињата влегуваат во неа порано од момчињата, понекогаш дури и до две години порано.
Трансформациите што почнуваат да се случуваат влијаат на многу аспекти од животот на детето. Придвижени од хормоните, тие влијаат на физичкиот, емоционалниот и психолошкиот развој.
Физички промени
Телото на адолесцентите се менува на повеќе начини. Хормоните за раст и половите хормони се најзаслужни за овие промени. Разликите меѓу девојчињата и момчињата се зголемуваат.
Промени на когнитивно ниво
Експертите некогаш веруваа дека до овој период мозокот е веќе развиен и дека некои значајни промени веќе не се случуваат. Меѓутоа, неодамна беше откриено дека области на мозокот, како што е префронталниот кортекс, доживуваат значителен развој во овој период од животот. Со оглед дека овој дел од мозокот е задолжен за планирање, расудување и самоконтрола, сосема е јасно дека децата во овој период ќе бидат импулсивни и ќе имаат проблеми со поставување критериуми.
Емоционални и друштвени промени
Сите овие промени во мозокот, исто така, резултираат со зголемена емоционална чувствителност и големи промени во расположението. Адолесцентите преживуваат се со голем интензитет и најмногу им одговара средина во која има луѓе кои минуваат низ истото како и тие, а тоа се другите адолесценти. Бунтовништвото и пркосот стануваат дел од нивното однесување додека се борат да го пронајдат својот идентитет. Родителите и понатаму се основни фигури во развојот на децата во оваа фаза.
Како да се поставите?
Некои адолесценти се справуваат со овие промени и ги проживуваат со возбуда, додека други може да развијат анксиозност и стравови. Улогата на родителите е исклучително важна. Разговарајте со вашите деца за промените што ги доживуваат и оние што допрва доаѓаат. Бидете подготвени да одговорите на прашањата што може да ви ги постават и да ги насочите таму каде што е потребно. Пружете разбирање за промените во расположението и чувствата што ги обземаат. Со добар пристап, ова може да биде прекрасен период во животот за вас и за вашите деца, пишува „You Are Mom“.
