Новороденчето има многу мала контрола на главата и на вратот, но во периодот помеѓу четвртиот и шестиот месец, тоа ќе развие способност и ќе ги зајакне мускулите да може својата глава комплетно само да ја контролира. Околу шестиот месец, бебето ќе има доволно силни мускули да цело време биде стабилно.
ШТО ДА ОЧЕКУВАТЕ ОД МЕСЕЦ ВО МЕСЕЦ?
Во текот на првиот месец ќе мора да ја придржувате главата на бебето.
1-2 МЕСЕЦ: бебето полека само почнува да ја подига главата од положба на стомак, а секој ден стаува се посилно. Околу осмата недела бебето ќе може да ја подигне главата и додека лежи на грб.
3-4 МЕСЕЦ: Бебето би требало сега подолго да ја држи подигната главата додека е на стомак.
5-6 МЕСЕЦ: Бебето сега веќе ќе почне многу посигурно да ја држи главата право, дури и кога ќе го подигнете во седечка положба.
КАКО ДА МУ ПОМОГНЕТЕ НА БЕБЕТО ДА ЈА КОНТРОЛИРА ГЛАВАТА?
Оваа работа, тоа ќе ја научи само. Сепак, ако сакате да го поттикнете и да му помогнетем најдобро е бебето што повеќе време да минува на стомак, додека е будно. Тоа може полека да почне веќе од втората недела на животот.
Некогаш бебето може да протестира, бидејќи лежењето на стомак е тешка работа. Направете пауза, па пробајте одново. Некогаш, ставете го бебето на гради, така да ве погледне. Клучот е во трпението и постепеноста.
