Првите неколку месеци по раѓањето, органскиот развој на сетилата се довршува. Под влијание на надразбите од околината бебето, се одвива процесот на нивно функционално оспособување.
ДОПИР
Развојот на првото сетило започнува уште во матката. Лицето, дланките, табаните, како и половите органи се подрачја кај кои прво се развива сетилото за допир, а во подоцниот период – овие регии ќе имаат и најмногу и тоа најразновидни рецептори за допир. Околу осмата недела од зачнувањето, се јавуваат првите “одбранбени“ движења – избегнување на допир на сопствените рачиња или папочната врвца на образите.
Истражувањата покажуваат дека чувствителноста на кожата брзо се проширува на подрачјето на половиот орган (околу 10 недела), дланките (11 недела) и табаните (12 недела). Но, бебето тогаш се уште избегнува допир. Околу 17. недела сите делови на стомакот и задникот се чувствителни, а во 32. недела речиси сите делови од телото се чувствителни на лесен допир.
СЛУХ
Кога ќе се роди, бебето најмногу го сака гласот на мајката, оти го слушало додека било во стомакот. Иако постои низа препреки помеѓу бебето и надворешниот свет: плодова вода, матка, и самиот стомак на мајката, плодот живее во многу поттикнувачка околина, полна со звуци, вибрации и движења.
Многу студии потврдуваат дека и гласовите од надворешната средина успеваат до допрат до бебето во стомакот. Интонација, нагласок, ритам, мелодија – сите допираат до фетусот без значајно изобличување. Мајчиниот глас е посебно силен, оти допира од самото тело на мајката.
ВКУС
Стручњаците веруваат дека околу 14. недела од бременоста се јавува сетилото за вкус. Истражувањата покажуваат дека фетусот голта слатко, а бројот на голтања ќе се намали со горчлив и кисел вкус. Новороденчето има силно развиено сетило за вкус и веднаш јасно покажува кои вкусови повеќе ги сака.
МИРИС
Благодарение на бројни истражувања кои се однесуваат на развојот и способноста на неродените бебиња, денес проверено се знае дека сетилото за мирис е добро развиено пред раѓањето. Кога се раѓа, бебето веднаш ја препознава мајката по мирисот.
